Bwcio eich tocyn

Mae Ffidil Fawr yn gwrs cerddoriaeth draddodiadol Gymreig i offerynwyr llinynol, sy’n dod ynghyd am dridiau i ddysgu alawon, datblygu techneg a chwarae cerddoriaeth mewn awyrgylch cyfeillgar a chefnogol. Mae’r penwythnos yn cyfuno dysgu o’r glust gyda dulliau dysgu clir a chyfleoedd i gyd-chwarae mewn sesiynnau a Cherddorfa Ffidil Fawr.

Mae’r cwrs ar gael i chwaraewyr offerynnau llinynol efo bwa o bob gallu. Os ydach chi’n ddechreuwr, yn offerynwr clasurol sydd eisiau darganfod arddull newydd neu yn chwaraewr traddodiadol profiadol, mae ‘na ddosbarthiadau a grwpiau weidi teilwra ar gyfer eich lefel chi.

Mae’r cwrs Ffidil Fawr yn addas i offerynnau llinynnol efo bwa, yn cynnwys ffidil (feiolin), feiola a soddgrwth. Mae croeso i chi ddod ag offerynnau eraill efo chi i’r sesiynnau anffurfiol gyda’r nos.

Fe ddysgir y gerddoriaeth yn bennaf o’r glust, yn ol y traddodiad gwerinol, ond mae copïau yn cael eu darparu i unrhywun sy’n fwy cyfforddus yn darllen. Bydd mynychwyr yn dysgu alawon, archwilio arddull ac yn datblygu mynegiant cerddorol o fewn grwpiau cefnogol.

Mae mynychwyr yn dewis prif ddosbarth lle mae nhw’n cynyddu eu repertoire a’u techneg. Mae yna hefyd weithdau opsiynol fel byrfyfyrio harmonïau, cyfeilio i ganu, a darganfod arddulliau ffidil estron. Gyda’r nos mae ‘na gyfleoedd i chwarae mewn sesiynnau anffurfiol a gwylio’r cyngerdd arbennig.

Mae popeth yn digwydd yng Nghanolfan Addysg Awyr-Agored Ystagbwll ym Mharc Cenedlathol Arfordir Sir Benfro; fe ddarparir llety, prydau bwyd a lleoliad bendigedig ar gyfer penwythnos o gerddoriaeth a chyfeillgarwch.

Mae tocyn penwythnos i’r cwrs yn cynnwys yr holl ddosbarthiadau a gweithgareddau cerddorol. Mae hefyd yn cynnwys cinio a swper.

Gellir bwcio llety ar y safle yng Nghanolfan Ystagbwll, gyda dewis o ystafelloedd sengl, dwbl/pâr neu ystafelloedd mwy mewn arddull ‘dorm’.  Gellir hefyd bwcio’r cwrs heb llety i unrhywun sy’n ffafrio aros yn lleol.

Pan ydych yn prynnu tocyn llety, fe ddarparir eich prydau bwyd i gyd. 

Cyn y cwrs mae mynychwyr yn derbyn llyfr digidol o alawon sesiwn poblogaidd Gymreig, er mwyn dod yn gyfarwydd efo ychydig o’r repertoire o flaen llaw. Byddwn hefyd yn darparu copïau o’r alawon i’r prif ddosbarthiadau, ond mae unrhyw waith paratoi yn opsiynol; fe ddysgir yr alawon yma yn ystod y dosbarthiadau.

Oes. Mae ‘na groeso i gerddorion ifanc o dan 18 oed yn FFidil Fawr, ond mae’n rhaid iddynt gael cwmni rhiant, ceidwad neu oedolyn cyfrifol drwy’r penwythnos. Mae hyn yn sicrhau fod pawb yn cael mwynhau’r cwrs yn saff tra’n cymeryd rhan yn y gerddoriaeth a’r awyrgylch gymunedol.